Районда яңы прокурор тәғәйенләнде

Рәсәй Федерацияһы Генераль прокурорының 2026 йылдың 27 авгусындағы бойороғо менән Ҡырмыҫҡалы районы прокуроры вазифаһына юстиция советнигы Александр Стрельников тәғәйенләнде.

Александр Стрельников Ҡал­мыҡ Рес­публикаһында тыу­ған. 2011 йылда юрисп­ру­ден­ция белгеслеге буйынса Ставрополь дәүләт университетын тамамлаған. 2011-2013 йылдарҙа тәфтиш комитеты органдарында хеҙмәт итә, Рәсәй Федерацияһы прокуратураһы ҡарамағында­ғы Тәфтиш комитетының Башҡортостан Республикаһы буйынса Өфө ҡалаһы Орджоникидзе районы буйынса тәфтиш бүлеге тәфтишсеһе була. 2013 йылдың сентябренән про­куратура органдарында хеҙмәт итә. 2013 йылдан 2017 йылға тиклем Өфө ҡалаһының Орджоникид­зе районы прокуроры ярҙамсыһы булып эшләгән. 2017 йылдан алып 2018 йылдың ноябренә тиклем Өфө ҡалаһы Орджоникидзе районы прокурорының өлкән ярҙамсыһы була. 2018 йылдың ноябренән ағымдағы йылдың авгусына тиклем Салауат ҡалаһы прокуроры урынбаҫары вазифаһын биләй. Өйләнгән, бер бала тәрбиәләй.
Эш сәфәре менән Башҡортостан Рес­­публикаһы прокурорының беренсе яр­ҙамсыһы Евгений Бендовский районға килде. Ул муниципаль район хакимиәте башлығын, суд һәм хоҡуҡ һаҡлау органдарын һәм башҡа вәкәләт органдары етәкселәрен Ҡырмыҫҡалы районына прокурор итеп тәғәйенләнгән яңы прокурор Александр Стрельников менән рәсми таныштырҙы.
Муниципаль район хакимиәте башлығы Әлфир Сабиров яңы прокурорҙы вазифаға тәғәйенләнеүе менән ҡотланы һәм уға хеҙмәтендә уңыштар теләне.
Евгений Михайлович Алек­сандр Николаевичтың юға­ры белемле, үҙ һөнәренең оҫтаһы, квалификациялы бел­гес булыуын билдәләне. Ул шулай уҡ прокуратура хеҙмәткәрҙәренең етди һәм яуаплы эштәрендә уңыштар, яҡшы һөҙөмтәләр теләне.
Рәсми өлөштән һуң, ра­йон прокуроры Александр Стрель­ников тәүге эш көнөн Баш­ҡортостан Республика­һы прокурорының беренсе яр­ҙам­сыһы Евгений Бендовский менән бергә төрлө мәсьәләләр менән килгән граждандарҙы ҡабул итеүҙән башланы. Халыҡ яңы прокурорға ҙур өмөттәр бағлай. Район граждандары үҙҙәрен борсоған һорауҙар ме­нән мөрәжәғәт итте һәм ыңғай яуаптар алды.
Фирүзә РӘХМӘТУЛЛИНА.
Автор фотолары.