Ҙур йөк автомобиле тауҙан аҫҡа шыуып төшкән

Алдан хәбәр итеүебеҙсә, ял көндәрендә республика юлдарында боҙлауыҡ, епшек ҡар яуыуы күҙәтелә, автомобилдәрҙең хәрәкәте ауырлаша. Белорет районы юлдарында айырыуса ҡурҡыныс, сөнки бындай һауа торошонда тауҙарҙағы юлдар икеләтә хәүефлегә әйләнә. Быны кисәге булған юл-транспорт ваҡиғалары ла дәлилләй.

Мәҫәлән, районда Уралтауҙа, Абҙаҡ ауылынан алыҫ түгел юлда, йөк автомобиле водителе тауға менә алмай, шуға күрә оә водитель тәгәрмәстәр аҫтына ҡом һибергә ҡарар итә. Ул ҡом алып килгәнсе водителһеҙ ҡалған транспорт юл буйлап артҡа төшә башлай. Водитель уны туҡтатырға тырыша, әммә уңышһыҙлыҡҡа тарый. Бәхеткә күрә, бер кем дә етди зыян күрмәгән.

Хөрмәтле республика халҡы, ялдарығыҙ файҙалы һәм матур үтһен. Юлда һаҡ булығыҙ, сөнки әле лә ошондай һауа торошо һаҡланасаҡ. Ғөмүмән, Рәсәйҙең урта һыҙатына хәҙер “Мартина” Төньяҡ Атлантик циклоны килә. Был циклон көн аҙағына был биләмәләрҙе тулыһынса тиерлек боҙ ҡатламы менән ҡаплаясаҡ. Иң көслө боҙлауыҡ Башҡортостанда һәм Татарстанда көтөлә, тип хәбәр итәләр.

Фото: скриншот.

Видеояҙма сығанағы: https://t.me/c/1601276259/23130