Ейәндәр менән һайлауға

2286-сы һайлау участкаһында беҙ ейәндәре менән килгән олатайҙы осраттыҡ. Венер Насиров ейәндәре Назар һәм Рувимды ла һайлауға алып килгән. Ул шулай итеп бәләкәйҙән балаларҙа әүҙем гражданлыҡ позициһын тәрбиәләй.

- Бөгөн беҙ балаларыбыҙҙың именлеге, яҡты киләсәге өсөн тауыш бирәбеҙ. Шәхси өлгө менән беҙ уларға гражданлыҡ бурысын үтәргә өйрәтәбеҙ, социаль яҡтан әүҙем үҫтерергә тырышабыҙ, уларға һайлауҙарҙың мөһимлеге хаҡында һөйләйбеҙ,- ти Венер Рифғәт улы.