Даирә
-16 °С
Болотло
75 лет Победы
Бөтә яңылыҡтар
Новости
13 Ноябрь 2020, 22:35

Иң матур башҡорт һүҙен һайлау дауам итә!

Башҡорт телендә иң матур яңғыраған һүҙгә тауыш биреү дауам итә. Әлеге мәлгә 553 һүҙ тәҡдим ителгән.

Был сарала теләге булған, башҡорт телен яратҡан һәр кем ҡатнаша ала. Үҙегеҙҙең күңелегеҙгә яҡын башҡортса һүҙҙе 15 ноябргә тиклем bashslovo.ru сайтында тәҡдим итә алаһығыҙ. Быны ике юл менән эшләргә мөмкин: сайтта яҙып ҡалдырырға йәки һүҙҙе ҡағыҙға яҙып, фотоға төшөрөргә һәм ошо фотоны сайтҡа һалырға.
22 ноябрҙә барлыҡ һүҙҙәр араһынан иң күп ҡабатланған 12 һүҙ һайлап алынасаҡ һәм шулар халыҡ иғтибарына тауыш биреүгә сығарыласаҡ.
Ә бөгөнгә ниндәй һүҙҙәр иң йыш тәҡдим ителгән тип уйлайһығыҙ? Беренсе урында – әсәй, икенселә – мөғжизә, өсөнсөлә – атай. Артабан – берҙәмлек, Башҡортостан, Ватан, мөхәббәт, һаулыҡ, йәнтөйәк, изгелек, бала...
Әлегәсә бындай проекттың Рәсәйҙең бер төбәгендә лә булғаны юҡ. Ә беҙҙә ул “Медиаформат” киң мәғлүмәт сараларын популярлаштырыу буйынса балалар-үҫмерҙәр үҙәге менән “Телешко” балалар телевидение мәктәбе тарафынан Башҡортостан Башлығының грантына тормошҡа ашырыла. Проектты Башҡортостандың Граждандар йәмғиәтенә булышлыҡ итеү фонды, Бөтә донъя башҡорттары ҡоролтайы һәм “Тамыр” балалар-үҫмерҙәр телеканалы хуплап ҡаршы алып, уны ғәмәлгә ашырыуға әүҙем булышлыҡ күрһәтә.
Хәбәр итеүебеҙсә, иң матур башҡорт һүҙе 14 декабрҙә – Башҡорт теле көнөндә иғлан ителәсәк.
Фото: "Бәйләнештә".
Автор: Гөлдәр Яҡшығолова
Читайте нас в