Даирә
-24 °С
Болотло
75 лет Победы
Бөтә яңылыҡтар
Новости
15 Июль 2020, 14:15

Ҡаран балалары яңыртылған мәктәпкә бара

Мәғариф учреждениеһы 1965 йылда төҙөлгән. Шул ваҡыттан алып бында бер тапҡыр ҙа ремонт яһалмаған булған. #ВладимирПутин#национальныепроекты#нацпроекты#региональныепроекты#регпроекты#нацпроектыБашкортостан

Бүздәк районының Ҡаран ауылы мәктәбендә капиталь ремонт бара. Ул яңы уҡыу йылына тамамланырға тейеш. Төҙөкләндереү эштәре ил Президенты Владимир Путиндың май указы менән раҫланған “Мәғариф” милли проектына ярашлы тормошҡа ашырыла.
Ҡаран мәктәбен капиталь яңыртыу былтыр сентябрҙә башланған. Ошо маҡсатҡа республика бюджетынан 14 миллион һум аҡса бүленгән, район да бер миллион һум йүнәлткән. Дүрт миллион һумға ҡорамалдар һәм йыһаз һатып алынған.
Әле бында пластик тәҙрәләр, запас ишектәр ҡуйылған, ҡыйыҡ алмаштырылған, бинаның фасады буялған. Инженерлыҡ коммуникациялары – йылылыҡ, һыу тәьминәте, канализация селтәрҙәре – тулыһынса яңыртылған. Электр энергияһын һаҡлаусы лампалар ҡуйыу планлаштырыла. Мәктәптең эсендә биҙәү, буяу эштәре, биләмәне төҙөкләндереү тамамланып килә.
Ҡаран мәктәбе 1965 йылда төҙөлгән. Шул ваҡыттан алып бында бер тапҡыр ҙа ремонт яһалмаған. 2012 йылда ғына өлөшләтә төҙөкләндереү эштәре башҡарылған – ашхана барлыҡҡа килгән, 2016 йылда спорт залы ремонтланған.
"Дөйөм алғанда, эш барышы ыңғай баһалана, төҙөүселәр үҙҙәренә йөкмәтелгән бурысты теүәл үтәй. Яңы уҡыу йылына яңыртылған мәктәп ишектәрен асасаҡ", – тине Бүздәк районы хакимиәтенең мәғариф бүлеге етәксеһе Илгиз Кашафетдинов.
Ҡаран мәктәбендә 123 бала белем ала. Ремонт башланғас, уларҙы мәктәп автобустарында күрше Әмир ауылына йөрөтөп уҡытҡандар. Ҡаран мәктәбе директоры Айрат Мансуров әйтеүенсә, быйыл беренсе класҡа алты бала бара.
Фото: vk.com
Автор: Лилия Давлетбакова
Башҡортостан гәзите сайтынан алынды
Читайте нас в