Һыу менән тәьмин итеү объекттары файҙаланыуға тапшырыла

Йыл аҙағына тиклем Бөрө ҡалаһында һыу менән тәьмин итеүҙең яңы эре объекттары файҙаланыуға тапшырыласаҡ. Был 26 меңдән ашыу кеше таҙа эсәр һыу менән тәьмин ителә, тигән һүҙ. Был иһә “Торлаҡ һәм ҡала мөхите” милли проекты (национальный проект "Жилье и городская среда") бурыстарына һәм маҡсаттарына яуап бирә, тип хәбәр итә Башҡортостандың Торлаҡ-коммуналь хужалыҡ министрлығы.

Проект 12 скважина, эсәр һыуҙы таҙартыу ҡоролмалары, төрлө ҙурлыҡтағы һыуһаҡлағыстар төҙөүҙе үҙ эсенә ала. Шулай уҡ Ағиҙел йылғаһынан һыу таҙартыу ҡоролмаһына тиклем һәм артабан Совхоз урамына хәтлем магистраль һыу үткәргестәр булдырыу ҡаралған. Уларҙың дөйөм оҙонлоғо 44 саҡрымдан ашыу тәшкил итәсәк.

Таҙартыу станцияларының ҡеүәте тәүлегенә 13 мең кубометр самаһы һыуға тәғәйенләнә. Фильтрланған һыу һурҙырыу станциялары аша һыуһаҡлағыстарға килә, ә унан Бөрө ҡулланыусыларына ебәрелә. Әлеге ваҡытта проект буйынса планлаштырылған эштәрҙең яҡынса 97 проценты тамамланған. Белгестәр коммуникация селтәрҙәренә тоташтырыу эшен башҡара һәм системаға һынау үткәрә.

Рәсәй Федерацияһы Президенты В.В. Путин указы менән 2019 йылдан тормошҡа ашырылып килгән милли проект арҡылы республикала бөтәһе 17 эсәр һыу менән тәьмин итеү объекты сафҡа индерелгән.

Фото: birskpress.ru

https://bashgazet.ru/articles/milli-proekttar/2024-11-23/yu-men-n-t-min-ite-ob-ekttary-fay-alanyu-a-tapshyryla-4021352