Ике инвестпроект ҡаралды

Район хакимиәтендә уҙған сираттағы «Эшҡыуарлыҡ сәғәте»ндә ике инвестиция проекты ҡаралды.

Реклама һәм дөйөм туҡланыу өлкәһендә ун йылдан ашыу тәжрибәһе булған шәхси эшҡыуар Әсхәт Байсурин үҙенең бизнесын әүҙем үҫтереүен дауам итә. 2022 йылда ул кофе автоматтарына инвестициялар һала, был клиенттар араһында юғары популярлыҡ һәм ыңғай баһалар арҡаһында уңышлы аҙым була. Һорауҙың артыуына бәйле һәм клиенттарға тағы ла уңайлыраҡ булһын өсөн Әсхәт яңы кофе ҡорамалдары һатып алырға һәм муниципаль программа буйынса сығымдарҙы ҡапларға ҡарар итә.

Баҙарҙа сағыштырмаса яңыраҡ барлыҡҡа килгән «Три-а» яуаплылығы сикләнгән йәмғиәте төҙөлөш өлкәһендә үҙенең эшмәкәрлеген әүҙем үҫтерә. Ошо арала улар мөһим аҙым яһаған - яңы экскаватор-тейәүсене лизингҡа һатып алып, муниципаль программа буйынса лизинг килешеүе ярҙамында тәүге иғәнәне ҡапларға ниәтләйҙәр. Был уларға эштәрҙе тиҙерәк һәм сифатлыраҡ башҡарырға мөмкинлек бирә.

Кәңәшмәлә ҡатнашыусыларға төп средстволарҙы һатып алыуға бәйле сығымдарҙың бер өлөшөн ҡаплауға финанс ярҙамы алыу өсөн бәләкәй эшҡыуарлыҡты үҫтереү муниципаль программаһы сиктәрендә конкурс буйынса һайлап алыуҙа ҡатнашыу өсөн документтар тапшырырға тәҡдим ителде.

Район биләмәһендә үҙ бизнесын асырға теләгәндәрҙең барыһын да Хәйбулла районы хакимиәтендә көтәләр. Аҙна һайын уҙғарылған«Эшҡыуарлыҡ сәғәте»ндә ҡатнашыуға ғаризаны Башҡортостан Республикаһының Инвестиция порталында түбәндәге һылтанма буйынса ҡалдырырға мөмкин: https://investrb.ru/ru/business/business_support/business/  йәки алдан түбәндәге телефондар буйынса яҙылырға:(34758) 2-12-35, 2-18-99, 8-937-320-30-40.

Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла.

Фото: Хәйбулла районы хакимиәте.