Лизинг ярҙамы эшҡыуарға глэмпинг өсөн ҡорамал һатып алырға мөмкинлек бирҙе

Лизинг финанслауы һөҙөмтәһендә Goldy Glamp глэмпингы дизель электр станцияһын һатып ала алды, ул ҡунаҡтарға йәшәү өсөн уңайлы шарттар булдырырға мөмкинлек бирҙе. Финанслау суммаһы 720 мең һум тәшкил итте, лизинг срогы - 13 ай. Лизинг ярҙамы төбәктә «Бәләкәй һәм урта эшҡыуарлыҡ, индивидуаль эшҡыуарлыҡ башланғыстарына ярҙам» милли проектын (национальный проект «Малое и среднее предпринимательство и поддержка индивидуальной предпринимательской инициативы») ғәмәлгә ашырыу сиктәрендә күрһәтелде.

- Башҡортостан йылдан-йыл туристарҙы йәлеп итә бара, шул иҫәптән быға республика Башлығы Радий Хәбировтың башланғыстары ла булышлыҡ итә. Туристик бизнес өсөн байтаҡ адреслы ярҙам саралары ҡаралған. Улар иҫәбендә - кредит биреү, модулле ҡунаҡханалар төҙөү өсөн субсидиялар, «Агротуризм» гранты. Шулай уҡ төбәктең бизнесҡа ярҙам итеү институттары лизинг ярҙамы һәм займдар бирә, - тип билдәләне Башҡортостан Республикаһының эшҡыуарлыҡ һәм туризм министры Зөһрә Гордиенко.

Goldy Glamp ҡала яны клубы Өфөнән 100 км алыҫлыҡта – Нуриман районының Ҡыҙыл шишмә ауылында урынлашҡан.

- Төбәк лизинг компанияһының бурысы - эшҡыуарҙарға уларҙың башланғыстары аныҡ ғәмәлдәргә күсһен өсөн шарттар булдырыу: яңы инфраструктура объекттары асыу, яңы продукция сығарыу, етештереү күләмдәрен арттырыу, хеҙмәткәрҙәр һанын арттырыу, - тип аңлатма бирҙе Төбәк лизинг компанияһының генераль директоры Азат Хәйруллин.

Белеүебеҙсә, милли проекттар ил Президенты В.В. Путиндың май указдарына ярашлы тормошҡа ашырыла. 

Сығанаҡ: Башҡортостан Хөкүмәте сайты.

https://bashgazet.ru/articles/milli-proekttar/2024-08-22/lizing-yar-amy-esh-yuar-a-glemping-s-n-oramal-atyp-alyr-a-m-mkinlek-bir-e-3895674