Күмертауҙа ангиограф ярҙамында 400 самаһы операция яһалған

2024 йылдың ғинуарынан июленә тиклем Күмертау ҡала дауаханаһында заманса ангиограф ярҙамында 400-гә яҡын операция яһалған, шуның 99 проценты – критик стеноз ваҡытында йөрәк тамырҙарына операциялар, шул иҫәптән баш мейеһе тамырҙарына 11 тромбоэкстракция яһалған.

“Һаулыҡ һаҡлау” милли проектының “Йөрәк-ҡан тамырҙары сирҙәренә ҡаршы көрәш” төбәк программаһы сиктәрендә ауыр ҡорамалдар һатып алыуға күрә пациенттарҙы ошондай хәүефле хәлдә ҡотҡарып алып булды. Республика табиптары, шулай уҡ Башҡортостан Башлығы Радий Хәбиров төбәктең һаулыҡ һаҡлау өсөн программаһының мөһимлеген билдәләне.

– Элек Өфөлә генә башҡарылған операцияларҙы хәҙер төрлө ҡалаларҙа эшләргә мөмкин. Шуға күрә республиканың медицина учреждениеларында бер ҡасан да ошондай юғары ауыр ҡорамалдар булманы тип ышаныс менән әйтәм, – тине Башҡортостан Башлығы.

Церебраль ангиографияны ваҡытында үткәреү, артабан тромбты бөтөрөү киҫкен ишемия инсульты алған пациенттар өсөн ойошторола, операциянан һуң ике сәғәт үткәс пациенттар аңына килә һәм һөйләшә башлай.

Ангиограф эшенең принцибы түбәндәгенән ғибәрәт: артыҡ ҡеүәте булмаған рентген нурланышы ярҙамында аппарат махсус рентген-контраст матдә индереләсәк артерияларҙың төҙөлөшөн һүрәтләргә ярҙам итә. Техника йөрәк-ҡан тамырҙары патологияһын ваҡытында асыҡлауҙан тыш, миокардтың киҫкен инфаркты һәм инсульттар ваҡытында операция яһатырға мөмкинлек бирә, был пациенттарға артабан йәшәү сифатын һәм эшкә һәләтлелеген яҡшыртырға мөмкинлек бирә.

Хәтерегеҙгә төшөрәбеҙ, 2024 йылда “Һаулыҡ һаҡлау” милли проектын тормошҡа ашырыу сиктәрендә Башҡортостанда 4 меңдән ашыу берәмек медицина ҡорамалы һәм 206 берәмек автотранспорт алыу күҙаллана.

Билдәле булыуынса, “Һаулыҡ һаҡлау” (национальный проект “Здравоохранение”) милли проекты Рәсәй Президенты Владимир Путиндың май указы менән булдырылды.

Фото: Һаулыҡ һаҡлау министрлығы.

https://bashgazet.ru/articles/milli-proekttar/2024-08-07/k-mertau-a-angiograf-yar-amynda-400-sama-y-operatsiya-ya-al-an-3875586