Һайлауҙың тәүге көнөндә йәрминкә гөрләне

Һайлауҙың тәүге көнөндә Ҡырмыҫҡалының 2-се мәктәбе биләмәһендә алма төшөрлөк тә урын булманы. Сөнки бында йәрминкә гөрләне. Мәктәп уҡыусылары ата-әсәләре менән берлектә әҙерләгән төрлө тәмлекәстәр менән һатыу итте. Шулай уҡ балаларҙың ҡул эштәре лә йәрминкә түрен биләне. Ҡыҙ-егеттәрҙең үҙҙәренең продукцияһын маҡтай-маҡтай һатыуы, уларҙың заман талаптарына оҫта яраҡлашыуын күрһәтә ине.

Йәрминкә майҙаны йыр-бейеүгә, күңелле уйындарға ла бай булды.