“Даирә”нән айырылмайҙар

Буш ваҡыттарында “Мәләш”тәр күмәкләшеп башҡорт телендә сыҡҡан район гәзите “Даирә”не уҡырға ярата. Улар яҡташтарының уңыштары, районыбыҙҙың яңылыҡтары, күркәм ғаиләләре менән танышып ҡына ҡалмайҙар, үҙҙәре лә редакция менән тығыҙ хеҙмәттәшлек итәләр.

- Гәзит бар район тормошон яҡтырта, беҙҙең эшмәкәрлегебеҙ, ауылдаштарыбыҙ тураһында гелән яҙып тора. Шуға күрә декада мәлен файҙаланып, арзаныраҡ хаҡҡа яҙылып ҡалырға ашыҡтыҡ, - ти ансамбль етәксеһе Айгөл Хәмитова.

Гәзиттән айырылмағандары, һәр саҡ тоғро ҡалғандары һәм коллектив менән яҙылғандары өсөн “Мәләш”тәргә сикһеҙ рәхмәтлебеҙ.

Хөрмәтле уҡыусыларыбыҙ, һеҙҙән дә ошондай матур хәбәрҙәр һәм фотолар көтөп ҡалабыҙ!

“Даирә”ләр.