Даирә
-2 °С
Ҡар
Бөтә яңылыҡтар
Матбуғат
10 Июнь 2022, 10:21

Матбуғатҡа яҙылыусы көнө үткәрелә

Яҙылыусылар араһында төрлө бүләктәр – тау велосипеды, мультибешергес, сымһыҙ ҡолаҡсындар, тышҡы аккумуляторҙар (power bank) уйнатыла, тип хәбәр иттеләр Башҡортостандың Матбуғат һәм киң мәғлүмәт саралары агентлығынан.

Матбуғатҡа яҙылыусы көнө үткәрелә
Матбуғатҡа яҙылыусы көнө үткәрелә

14 июндә иртәнге сәғәт 11-ҙә Матбуғат йорто алдындағы майҙанда Матбуғатҡа яҙылыусы көнө ойошторола. Республика баҫмаларына яҙылыусылар араһында төрлө бүләктәр – тау велосипеды, мультибешергес, сымһыҙ ҡолаҡсындар, тышҡы аккумуляторҙар (power bank) уйнатыла, тип хәбәр иттеләр Башҡортостандың Матбуғат һәм киң мәғлүмәт саралары агентлығынан.

6-16 июндә Ташламалы хаҡҡа яҙылыу декадаһы уҙғарыла. Яратҡан баҫмаларға 10% ташлама менән яҙылырға мөмкин. Беренсе һәм икенсе төркөм инвалидтарына, Бөйөк Ватан һуғышы һәм хеҙмәт ветерандарына, тыл хеҙмәтсәндәренә лә өҫтәмә ташлама бар.

«Арғымаҡ» этно-рок төркөмө, «Ауаз» фольклор ансамбле, Башҡортостандың халыҡ артисы Миңлеғәфүр Зәйнетдинов, Фәдис Ғәниев, Башҡортостандың атҡаҙанған артисы Марсель Ҡотоев, Башҡортостандың һәм Рәсәйҙең атҡаҙанған мәҙәниәт хеҙмәткәре Любовь Богатырева, виртуоз баянсы-гармунсы Салауат Әҡсәнов, Лилиә Ишемйәрова, Илнур Лоҡманов, «Тамыр» балалар йыр ансамбле, Филүс Беркет һәм башҡалар үҙҙәренең ижады менән ҡыуандырмаҡсы. Байрам ҡунаҡтары – республиканың күренекле шәхестәре. Йәрминкәлә «Китап» нәшриәтенең китап продукцияһын, халыҡ кәсептәре әйберҙәрен һатып алырға мөмкин.

https://www.bashinform.ru/news/social/2022-06-09/v-ufe-sostoitsya-traditsionnyy-den-podpischika-2836228

Автор:Розалия Назарова
Читайте нас: