Юғары исемгә лайыҡ булды

Башҡортостан Башлығының мәҙәниәтте һәм йәштәр сәйәсәтен үҫтереү мәсьәләләре буйынса кәңәшсеһе, Башҡортостандың атҡаҙанған йырсыһы Радик Юлъяҡшин үҙенең телеграм-каналында ҡыуаныслы ваҡиғаһы менән уртаҡлаша.

"Мин "Татарстан Республикаһының атҡаҙанған артисы" тигән маҡтаулы исем менән бүләкләндем", - тип яҙған ул.

Йырсы шулай уҡ тиҙҙән "Эҙлә күңел" тип аталған йырының премьераһы буласағын да белдергән.

Башҡортостан һәм Татарстан эстрадаһы йондоҙо Радик Юлъяҡшинды юғары исемгә лайыҡ булыуы менән ҡотлайбыҙ! Артабан да ижади уңыштар,сәләмәтлек юлдаш булһын!