Даирә
-24 °С
Болотло
75 лет Победы
Бөтә яңылыҡтар
Мәктәптәрҙә
9 Сентябрь , 11:21

«Эй, мәктәбем, белем усағы...»

Мәктәп - тыуған ер йылыһын биреүсе, бала саҡ, үҫмер йылдар иҫ­тәлеген һаҡлаусы, йылдар дауамында үҙенә саҡырып ололап ҡар­шы алыусы изге йорт ул. «Мәк­тәп - ауылдың йөрәге» тигән тап­ҡыр һүҙҙәрҙе йыш ишетергә тура килә. Эйе, бында балаларҙың шат тауыштары ишетелә икән, ауыл­дың киләсәге лә өмөтлө. Белем йор­тона килеп инеү менән, ошо мәғ­рифәт үҙәге ауылға йәм биреп торһон, ҡыңғырау тауышы тын­маһын ине тигән теләк үҙенән-үҙе тыуа. Үтәгән ауылында урын­лаш­ҡан мәктәп тә шундай матур, үҙе­нә саҡырып торған белем усағы ул. Мәктәп тарихын уҡытыу­сы­лар, уның уҡыусылары яҙа. Күпме балаға белем биргән, тормошҡа юл күрһәткән беҙҙен Үтәгән төп бе­лем биреү мәктәбе.

«Эй, мәктәбем, белем усағы...»
«Эй, мәктәбем, белем усағы...»

Мәктәбебеҙҙә иркен спорт за­лы, ашхана, яҡты кластар, китапхана бар. Белем усағы һәр саҡ ысын күнелдән ишектәрен асып, 1 сентябрҙә балаларҙы ҡаршылап тора. Үтәгән төп белем биреү мәк­тәбенең берҙәм коллективы тәрбиә һәм уҡытыу өлкәһендә бар көсөн һалып эшләй. Ата-әсә­ләр ҡатнаш­лы­ғында ла төрлө тәр­биәүи кисә­ләр, осрашыуҙар үт­кәрелә. Һәр ҡайҙа ла белем ки­мәле уҡы­тыусы шәхесе менән бәйле. Ул үҙ фәнен төплө белә һәм уҡыу­сыларына оҫталыҡ ме­нән еткерә ала икән – уңыш ни­геҙе шунда.
Беҙҙең мәктәптә лә үҙ эш­тә­рен яратҡан уҡытыусылар бала­лар­ға тәрән белем, матур тәрбиә биреп уҡыусыларҙы оло тор­мош­ҡа әҙерләй. Шулай уҡ төрлө һө­нә­ри конкурстарҙа, семи­нарҙарҙа ҡатнашып, юғары һөҙөмтәләргә ирешә уҡы­тыусылар. Белем биреү процесын камиллаштырыуҙың сиге юҡ, ныҡышмалы эҙләнергә, заманса алымдар табырға, бил­дәләнгән йүнәлештәр буйынса маҡсатлы эш алып барырға кә­рәк. Туған башҡорт телендә иркен аралашыу, рус телен тейешле кимәлдә белеү, шул уҡ ваҡытта инглиз телен тәрә­нәйтеп өйрәнеү ҙә киләсәккә ҙур мөмкинлектәр аса.
Үткән 2021-2022 уҡыу йылы йомғаҡтары ла беҙҙең өсөн бик тә уңышлы булды тип әйтке килә. Мәҫәлән, “Урал батыр” эпосын Юлиә Насирова инглиз телендә ятлап 2-се призлы урын алып һөйөндөрҙө. “English Lounge – 2022” Бөтә Рәсәй конкурсында 2-се, 4-се кластар ҡатнаш­лығындағы вокал ансамбле 2-се урын, ә 7-се класс уҡыусыһы Диана Моратова 1-се урын яуланы. 5-се класс уҡыусыһы Эльвир Аҙнағолов һәм 8-се класс уҡыусыһы Лилиә Баһауетдинова Яңы Ҡыйышҡы ауылы биләмәһе башлығы призына саңғы ярышында 12 йәштәгеләр араһында 3-сө урынға лайыҡ булдылар. Бөтә Рәсәй “Башҡорт мозаикаһы” конкурс-фестивалендә беҙҙең уҡыусылар инде нисәнсе йыл призлы урынһыҙ ҡалғандары юҡ. Үткән уҡыу йылында Баш­ҡортостан Республикаһы башлығы шыршыһы байрамында беҙҙең мәктәптән 8-се класс уҡыусыһы Юлиә Наси­рованың ҡатнашыуы ла бик һөйөндөрҙө. Юл ҡа­ғиҙәләрен өйрәнеү, хәүефһеҙлек ҡағиҙәләре буйынса үткәрелгән конкурстарҙа ла беҙҙең уҡыусылар бик теләп ҡатнаша. “Газ менән һаҡ булығыҙ!” конкурсында ҡатнашып 1-се класс уҡыусыһы Рузалина Гапирова диплом алһа, ә бына “Ут менән уйнарға ярамай” конкурсында Сабина Бикташева 3-сө урын яуланы. Быларҙан тыш йыл әйләһенә төрлө флешмоб, пионер ойошмаһы үткәргән ак­цияларҙа һәм башҡа сараларҙың әүҙем ҡатнашыусылары беҙҙең уҡыусылар. Коллектив менән замандан артта ҡалмаҫҡа тырышабыҙ. Ата-әсәләр ҙә бик әүҙем, кәрәк саҡта ярҙам итәләр, мәктәп сараларында ла теләп ҡатнашалар. Бына шулай йәшәй һәм алға ынтыла беҙҙең Үтәгән төп белем биреү мәктәбе.
“Ил киләсәге – талантлы йәштәр ҡулында” тиҙәр, ә талантлы йәштәрҙең киләсәге талантлы уҡытыусылар ҡулында.
Зимфира Хөсәйенова,
башҡорт теле һәм әҙәбиәте уҡытыусыһы.

Автор:
Читайте нас в