«Еңеү салюты» яңғыраны

Был көндө район Мәҙәниәт һарайы сәх­нәһен Ҡырмыҫҡалы һәм Архангел районы бейеүселәре дер һелкетте, дәртле һәм моңло йырҙары менән тамашасылар күңелен арба­ны һәм, хатта, илатты ла.

Ҡырмыҫҡалы таланттарының “Тыуған ил нимәнән башлана?” тигән театрлашты­рылған тамашаһы бигерәк тә тамашасы­лар күңеленә ныҡ тәьҫир яһаны һәм көслө хис-тойғолар кисерергә мәжбүр итте. Залда ултырғандарҙың барыһы ла яуға киткән һал­даттарҙы оҙатыу мәлдәрен күҙ йәштәрһеҙ ҡарай алманы. Бөйөк Еңеүҙе ҡаршы алыу күренеше лә бер кемде битараф ҡалдырма­ны.

Ғөмүмән, йәмле сарала Ҡырмыҫҡа­лы һәм Архангел районы артистары­ның барыһы ла сағыу сығыштары менән ҡыуандырҙы.

Фестивалдә билдәләнгән иң яҡшы сығыштар Гала-концертта күрһәтеләсәк.