Даирә
+18 °С
Болотло
Бөтә яңылыҡтар
Кеше һәм хоҡуҡ
10 Июнь 2022, 10:28

Ҡайһы бер штрафтар бер нисә тапҡырға артасаҡ

Бөтәһе 66 кеше административ яуаплылыҡҡа тарттырылған, 570 мең һумдан ашыу штраф һалынған

Ҡайһы бер штрафтар бер нисә тапҡырға артасаҡ
Ҡайһы бер штрафтар бер нисә тапҡырға артасаҡ

Башҡортостан Республикаһы Ғәҙәттән тыш хәлдәр буйынса дәүләт комитетының матбуғат хеҙмәтендә Башҡортостанда йәшәүселәрҙе янғын хәүефһеҙлеге ҡағиҙәләрен боҙған өсөн штрафтарҙың ун тапҡырға артыуы тураһында иҫкәрттеләр. Рәсәйҙә 8 июндән урмандарҙа янғын хәүефһеҙлеге талаптарын боҙған өсөн административ яуаплылыҡ көсәйтелде: граждандарға штраф — уртаса ун тапҡырға, ә чиновниктарға, шәхси эшҡыуарҙарға һәм юридик берәмектәргә максималь яза ике тапҡырға артты.

Ҡоро үлән, ҡоро-һары яндырған өсөн, шул иҫәптән ағастарҙан янғынға ҡаршы һыҙат менән бүленмәгән участкаларҙа штрафтар түбәндәгесә:

- граждандарға элекке өс-дүрт мең урынына 30-40 мең һум штраф янай;

- вазифалы кешеләргә — элекке 15-20 мең урынына 30-50 мең;

- юридик берәмектәргә — 150-250 мең һум урынына 300-500 мең.

«Шул уҡ ваҡытта юридик берәмектәр өсөн максималь штраф — ике миллион һум, — тип хәбәр иттеләр дәүләт комитетынан. — Бөгөнгә республика биләмәһендәге урмандарҙа янғын хәүефһеҙлеге ҡағиҙәләрен боҙоуҙың 96 осрағы асыҡланған. Бөтәһе 66 кеше административ яуаплылыҡҡа тарттырылған, 570 мең һумдан ашыу штраф һалынған».

https://www.bashinform.ru/news/social/2022-06-09/zhiteley-bashkirii-preduprezhdayut-o-mnogokratnom-uvelichenii-nekotoryh-shtrafov-2835685

Автор:Розалия Назарова
Читайте нас: