Башҡортостандың һаулыҡ һаҡлау министры итеп 18-се ҡала клиник дауаханаһының баш табибы Айрат Рәхмәтуллин тәғәйенләнде.
Хәтерегеҙгә төшөрәбеҙ, элекке һаулыҡ һаҡлау министры Максим Забелин Башҡортостан Башлығы хакимиәте етәксеһе вазифаһында эшләй.
Айрат Рәхмәтуллин — табип-невролог, медицина фәндәре кандидаты. Өфө дауаханаһына, унан алдараҡ Дүртөйлө үҙәк район дауаханаһына етәкселек итте.
Фәнни ҡыҙыҡһыныуҙар өлкәһе: тарҡау склероз, балалар неврологияһы, һаулыҡ һаҡлауҙы ойоштороу.
12 фәнни хеҙмәт авторы. Бөтә Рәсәй неврологтар йәмғиәтенең Башҡортостан бүлексәһе ағзаһы, Европа Неврология академияһы ағзаһы.
18-се дауахананың баш табибы кем булыры әлегә билдәһеҙ.