Алдағы көндә һауа торошо ниндәй буласаҡ?

Синоптиктар хәбәр итеүенсә, алдағы көндәрҙә Башҡортостанда йылы һауа торошо вәғәҙә ителә. Республиканың үҙәк райондарында 12-13 градусҡа, ҡайһы бер көндәрҙә, хатта, 19 градусҡаса йылы көндәр көтөлә. Ел тиҙлеге секундына 19 метрға тиклем буласаҡ. Яуым-төшөм аҙ көтөлә. Башҡа йылдар менән сағыштырғанда, бындай һауа торошо климат нормаһынан юғарыраҡ.