Ололарҙың һүҙе – дөрөҫлөктөң үҙе

Мөхәббәт, һомғол буй-һын, матур төҫ-баш, ныҡлы сәлә­мәт­лек, зирәк аҡыл да артыҡ түгел.
Әммә быларҙың ҡәҙерен белеү кәрәк. Сөнки мул тормошта йә­шәп тә иркәләп, наҙлап ҡына үҫ­те­­рел­гән кеше башҡаларға их­­ти­рамһыҙ булыуы ла мөмкин. Тәүфиҡлы булыу – кешегә иң кәрәкле сифат. Һәр кеше - үҙе бер донъя. Тәүфиҡлы кешенең йөҙө­нән нур балҡып тора.
Дуҫтарым! Кешеләрҙең зары­на ҡолаҡ һалығыҙ. Тирә-йүн­дә­ге­ләр­гә иғтибарлы булығыҙ. Ке­ше­ләргә ярҙам ҡулы һуҙырға әҙер тороғоҙ! Яҡшылыҡ ерҙә ятып ҡалмаҫ. Бер рәхмәт мең бәләнән ҡотҡара, тиҙәр. Башҡаларға булыша алғанығыҙға һөйөнөп йә­шәгеҙ. Матур, яғымлы һүҙҙәр әй­тегеҙ. Мәҫәлән, алтыным, бер генәм, һөйөклөм, яҡлаусым, матурым, ҡәҙерлем...
Яҡшы һүҙ – йән аҙығы, яман һүҙ – баш ҡаҙығы. Тыныс йоҡо, хә­йерле иртә, ашығыҙ тәмле бул­һын – был һүҙҙәрҙе йышыраҡ әй­теп шатландырығыҙ. Матур һүҙ­­ҙәр ишетеп, ололар һеҙгә йыл­майырҙар, уларға ла күңелле булып китер.
Мәрүәр Ишморатова.
Яңы Бишауыл ауылы.

Фото: www.pinterest.ru