Улар - беҙҙең ғорурлыҡ

Бүләкләнеүселәрҙе, уларға белем бир­­­гән педагогтарҙы һәм яҡшы тәр­биәләгәндәре өсөн ата-әсәләрҙе район ха­ки­миәте башлығы Әлфир Сабиров тәб­рикләне һәм уҡыусыларға уҡыуҙа өл­гәш­кән уңыштары өсөн рәхмәт бел­дерҙе.
Мәктәпте тамамлаусылар һәм ата-әсәләр үҙҙәре лә төплө белем биргән уҡы­тыусыларға, мәктәп коллективына рәх­мәт әйттеләр. Мәҫәлән, 2-се Ҡыр­мыҫ­ҡалы мәктәбе уҡыусыһы Алина Хә­сә­нова рәхмәт белдереп, был миҙал уңың тормош юлын һәр саҡ яҡтыр­тасағын әйтте. Прибельский ауылынан Сергей Михайлов егет-ҡыҙҙарҙы мәк­тәп­те уңышлы тамам­лауҙары менән ҡот­ланы һәм уларға хыял­дарының тор­мош­ҡа ашыуын, бөтә баш­ланғыстарҙа уңыштар теләне. Һәүәләй мәктәбе директоры Наталья Мөслим ҡыҙы Әх­мә­това артабан да был көндә бүләк­­ләнеүселәр үҙҙә­ренең уңыштары менән һөйөндөрөп торасаҡтарына ышанысын белдерҙе.
Егет-ҡыҙҙар ныҡлы белем һәм ла­йыҡ­лы бүләк менән оло тормош юлын башлай. Уларға киләсәктә лә ҙур уңыш­тар, яңы үрҙәр яуларға булһын!
Фәнил гәрәев.