Күлләр ауылында йәшәүсе атайыбыҙ, олатайыбыҙ Рәхмәтуллин Нәзир Мәүлитбай улын 65 йәшлек юбилейы айҡанлы ихлас күңелдән ҡайнар ҡотлайбыҙ.
Һинең менән тормошобоҙ бөтөн, аҙымдарыбыҙ ышаныслы. Тормош һынауҙарына бирешмәйенсә, ауырлыҡтар алдында баш эймәйенсә, йәшәүҙән йәм табып, изгелектәреңдең игелеген күреп, балаларыңдың күңел йылыһын тойоп, бәхет-шатлыҡта, мул тормошта, иҫәнлектә-һаулыҡта әсәйебеҙ менән оҙон, тигеҙ ғүмер кисерергә насип итһен!
Балаларыңдың һәм ейән-ейәнсәрҙәреңдең яҡты киләсәген күреп, уларҙың һөйөнөстәренә ҡыуанып, донъя рәхәтлектәре кисереп, яҡындарыңа йәшәйеш сығанағы булып, күңелең нуры менән килер көндәребеҙҙе яҡтыртып йәшә!
Донъя мәшәҡәтен еңә килдең,
Бирешмәнең ҡырыҫ елдәргә.
Тырышлығың, эшкә ихласлығың
Һүрелмәһен ғүмер-ғүмергә.
Беҙҙең өсөн мәңге ҡәҙерле һин,
Хоҙай ҡушһын бергә йәшәргә.
Ер йөҙөндә күпме кеше йәшәй,
Иң яҡыны беҙгә һин генә.
Иң изге теләктәр менән барлыҡ балаларың исеменән улың Рәфис, киленең Айгөл һәм беҙҙең балалар.
***
Ҡоҙабыҙ Рәхмәтуллин Нәзир Мәүлитбай улын күркәм юбилейы уңайынан ихлас күңелдән ҡайнар ҡотлайбыҙ.
Ошо иҫтәлекле ғүмер байрамың көнөндә иң изге теләктәребеҙҙе еткерәбеҙ. Ҡоҙабыҙ, һиңә ныҡлы сәләмәтлек, бәхетле оҙон ғүмер, күңел тыныслығы һәм имен тормош теләйбеҙ. Киләсәктә лә шулай асыҡ йөҙлө, оло йәнле, кешелекле һәм киң күңелле булып ҡал.
Гел шатланып йәшә, хәсрәт күрмә,
Тыныс булһын һәр саҡ күңелең.
Бәрәкәтле, матур тормош һиңә,
Ҡояштарға тиңе ғүмерҙең.
Иң изге теләктәр менән ҡоҙаң Мәжит, ҡоҙағыйың Зинәйҙә һәм беҙҙең балалар.