Бөгөн беҙҙә ҙур байрам. Алайғыр ауылында йәшәүсе иң яратҡан, иң ҡәҙерле кешебеҙ - әсәйебеҙ Ғәҙелшина Динә Тынышбек ҡыҙына 60 йәш тула.
Һине ысын күңелдән тыуған көнөң менән ҡотлайбыҙ. Күк йөҙөндәге ҡояш кеүек һин беҙҙең тормошобоҙҙо яҡтыртыусы һәм йылытыусы кешебеҙ! Ҡәҙерлебеҙ беҙҙең, ныҡлы сәләмәтлектә тыуған йортобоҙға йәм биреп, дуҫтар, туғандар ихтирамында, беҙ - балаларың игелегендә, изгелегендә иҫән-имен оҙаҡ йәшәүеңде теләйбеҙ.
Йәшәү шатлығы һин беҙҙең өсөн,
Үтер юлыбыҙға үрнәк һин,
Сабырһың да, оло йәнлеһең дә,
Беҙҙең өсөн һәр саҡ кәрәк һин.
Рәхмәт, әсәй, барыһы өсөн дә,
Беҙ бәхетле һинең яныңда.
Йәшә мәңге ҡәҙер-хөрмәттә,
Тормош йәмле тик һин булғанға.
Иң изге теләктәр менән ҡыҙҙарың, кейәүҙәрең, киленең һәм ейәндәрең.