11 ғинуарҙан республикала мәҙәниәт һәм спорт учреждениеларында, сауҙа үҙәктәрендә һәм транспортта COVID-тикшереүҙәр башлана

«Әүҙемлек күрһәтеүегеҙҙе һорайым. Был осорҙа беҙ артыҡ баҫым яһаманыҡ. Ләкин баш санитар табиптың кәңәштәрен, ағымдағы хәлде иҫәпкә алып, йәнә халыҡты ҡуҙғата башларға тейешбеҙ. Улар фитнес-клубтарға, мәҙәниәт учреждениеларына бара. Вакцина яһатмағандарға ҡаршы кәртәләр булдырырға кәрәк. Кешеләр прививка эшләтергә бурыслы, — тине ул. — Байрамдарҙан һуң халыҡ сауҙа үҙәктәренә йөрөй башлай, шуға унда барлыҡ санитар-эпидемиологик ҡағиҙәләр үтәлергә тейеш. Улар барыһына ла аңлайышлы һәм билдәле».

«Коронавирус бер ҡайҙа ла китмәне. Сирлеләрҙең кәмеүенә иғтибар итергә кәрәкмәй. Юҡ, көрәш тамамланмаған әле. Бөтәһе лә арыны, кешеләр беҙҙең даими талаптарҙан арыны. Халыҡты ышандырырға, эшләргә, һаулыҡ һаҡлау системаһын көр кәйефтә тоторға кәрәк», — тип өҫтәне Башҡортостан Башлығы.

https://bash.bashinform.ru/news/social/2022-01-10/11-inuar-an-respublikala-m-ni-t-m-sport-uchrezhdenielarynda-sau-a-kt-rend-m-transportta-covid-tikshere-r-bashlana-2648954