Даирә
+12 °С
Ясна
Бөтә яңылыҡтар

Төп документҡа эйә булдылар

Кеше тормошонда мөһим ваҡиғалар күп булһа ла, тәүге тапҡыр ҡулыңа паспорт алыу айырыуса иҫтә ҡала торға­нылыр. Нәҡ ошо көндән алып һине тулы хоҡуҡлы Рәсәй гражданы итеп ҡабул итә башлаясаҡтар.

Төп документҡа эйә булдылар
Төп документҡа эйә булдылар

Төп документҡа эйә булдылар

Кеше тормошонда мөһим ваҡиғалар күп булһа ла, тәүге тапҡыр ҡулыңа паспорт алыу айырыуса иҫтә ҡала торға­нылыр. Нәҡ ошо көндән алып һине тулы хоҡуҡлы Рәсәй гражданы итеп ҡабул итә башлаясаҡтар.

Ошо көндәрҙә Эске эштәр мини­стрлығының Ҡырмыҫҡалы районы буйынса бүлеге начальнигы вази­фаһын ваҡытлыса башҡарыусы Динар Сәйфуллин районыбыҙҙа йәшәүсе 14 йәшен тултырған Арыҫлан Исмәғи­лев, Динис Әһлетдинов, Булат Нурғә­лиев һәм Даниэль Шәриповҡа тан­таналы рәүештә паспорт тапшырҙы. Йөҙҙәренән әле булһа сабыйлыҡ нуры һирпелгән, әммә шул уҡ ваҡытта етди ҡарашлы үҫмерҙәр ошо көндән алып Рәсәй Федерацияһының тулы хоҡуҡлы граждандары булдылар. Паспорт менән бергә йәш ҡырмыҫҡалылар иҫтәлекле бүләктәр ҙә алды.

Төп документҡа эйә булыусыларҙың да, тантанаға килгән әсәйҙәрҙең дә ҡы­уаныстары йөҙҙәренә сыҡҡайны.

- Балаларыбыҙға тантаналы рәүеш­тә паспорт тапшырғандары өсөн би­герәк шатбыҙ. Уларҙың күңелендә был ваҡиға мәңгелеккә уйылып ҡаласаҡ. Балаларыбыҙ аҡыллы, тәртипле ысын граждан булыуҙарын теләйбеҙ, - ти әсәләр ҡыуаныстарын йәшермәйенсә.

- Паспорт ала торған көндө көтөп алдыҡ. Был документты ҡулға алыу бер яҡтан ғорурлыҡ тойғоһо уятһа, икенсе яҡтан ҙур яуаплылыҡ та өҫтәне, - тиҙәр үҫмерҙәр.

Районда 14 йәше тулған йәш граж­дандарға тантаналы рәүештә шәхесте раҫлаусы, юридик көскә эйә булған до­кументты тапшырыу йолаға әүерелгән. Был турала Динар Ғизәр улы:

- Йыл да балаларға паспорт тапшы­рыуҙы тантаналы рәүештә башҡарырға тырышабыҙ. Уны төрлө байрамдар ваҡытында ла ойошторабыҙ. Тәүге төп документтарын тантаналы рәүештә алыу балалар өсөн иҫтәлекле ваҡиға булып тора. Әлбиттә, паспорт алыусы балалар бик күп һәм уларҙың һәр бе­реһенә тантаналы тапшыра алмайбыҙ, ҡыҙғанысҡа, - тине.

Рәсәй Федерацияһы гражданы па­спортын тапшырыу тантанаһы, тор­моштағы мөһим ваҡиға булараҡ, бала­ларға уның әһәмиәтен аңларға, Тыуған иленә һөйөү тәрбиәләргә ярҙам итә.

Розалия НАЗАРОВА.

Автор фотоһы.

Автор:Розалия Назарова
Читайте нас: