«Эшҡыуарлыҡ сәғәте»ндә хәләл кафе асыу мәсьәләһе тикшерелде

«Эшҡыуарлыҡ сәғәте»ндә хәләл кафе асыу мәсьәләһе тикшерелде
Район хакимиәтендә районда эшҡыуарлыҡты үҫтереүгә, шулай уҡ «Кесе һәм урта эшҡыуарлыҡ һәм шәхси эшҡыуарлыҡ башланғыстарына ярҙам итеү» милли проекты сиктәрендә «Эшҡыуарлыҡ сәғәте» үтте.
Көн тәртибендә Ҡырмыҫҡалы ауылында хәләл кафе асыу проекты ҡаралды. “Эшҡыуарлыҡ сәғәте» ултырышына проект инициаторы Айгөл Баязитова кафе асыу өсөн махсус ҡоролмалар һатып алыуҙа ярҙам һорап мөрәжәғәт итте.
- Быға тиклем тормош иптәшем менән Рафиҡов урамында яңы төҙөлгән бинала арендаға бүлмә алып, “Хәләл” магазины асҡан инек. Унда килгән халыҡ мейестә бешерелгән йылы ризыҡтар һатып алырға теләктәрен белдерҙе. Уларҙың һорауын иҫәпкә алып, кафе эсендә бер мөйөштө бүлеп алып, өсбосмаҡ, ваҡ бәлеш, ҡыҫтыбый һәм башҡа тәмлекәстәр бешерергә ҡарар иттек.
“Эшҡыуарлыҡ сәғәтендә” бизнес-планды яҡлап сыҡҡандан һуң адреслы социаль ярҙам программаһы буйынса финанс ярҙам алыуға конкурста ҡатнашыу өсөн документтар тапшырҙыҡ, - ти Айгөл Рәсүл ҡыҙы.
Баязитовтар тиҙҙән эшҡыуарлыҡты үҫтереүгә 350 мең һум күләмендә субсидия алып, теләктәрен бойомға ашырыр, ә район халҡы яңы бешкән хәләл ризыҡтар һатып алып ҡыуаныр, тигән ышаныстабыҙ.
Ошондай тәүәккәл, уңған эшҡыуарҙар йүнселдәргә юл асыҡ, тигән әйтемде иҫбатлай ҙа инде.
Районда эшҡыуарлыҡ өлкәһе үҫешә һәм һәр кемгә үҙ эшен асы мөмкинлеге бирә. Ярҙам сараларын тураһында ентекле мәғлүмәт алыу өсөн Ҡырмыҫҡалы ауылы, Киров урамы, 40-сы йорт адресы буйынса мөрәжәғәт итегеҙ.
Гөлсәсәк Аласова.