Йыл да көтөп алабыҙ

Йыл да көтөп алабыҙ

Ҡояш йылыһына бар тәбиғәт ҡышҡы йоҡоһонан уянып, еребеҙ яҙ һулышын ала. Был ваҡытта йылғалар асыла, ағастар бөрөләнә башлай, бар донъя ҡоштарҙың моңло тауышына күмелә.

Ошо мәлдәрҙә күңелгә гелән:

Ҡарҙар ирей һыу таша,

Талдар бөрөһөн аса.

Көҙөн киткән ҡоштарыбыҙ

Беҙҙе һағынып ҡайта, - тигән шиғыр юлдары килә.

Эйе, Тыуған илдәрен һағы­нып, йылы яҡтарҙан беҙҙең ҡа­натлы дуҫтарыбыҙ ҙа ҡайтты. Түбәнге Төкөн мәктәбе уҡыусы­лары менән был миҙгелде йыл да көтөп алабыҙ. Бигерәк тә бый­ыл иғлан ителгән ғаилә йылын­да улар атай-ағайҙары менән берлектә ең һыҙғанып эшкә тотондолар: ағастарға оялар урынлаштырҙылар, тағараҡтар элделәр.

Мәктәп уҡыусылары берҙә генә тағараҡтарҙы буш тотмай, көн һайын өйҙәренән алып кил­гән емде өҫтәп кенә торалар. Йыраҡ араларҙан йонсоп ҡай­тҡан ҡоштар тиҙерәк хәл алып, көс туплап, ҡошсоҡтарын үҫте­рергә әҙерләнһендәр тип тыры­ша улар. Уҡыусыларыбыҙҙың ҡоштар – беҙҙең ҡанатлы дуҫта­рыбыҙ булыуын онотмауҙары ҡыуандыра.

Рита ДӘҮЛӘТШИНА,

Түбәнге Төкөн мәктәбе уҡытыусыһы.