Даирә
+21 °С
Болотло
Бөтә яңылыҡтар

Баҡса еләгенән телеңде йоторлоҡ коктейль

Аллаға шөкөр, быйыл баҡсабыҙҙа виктория еләге бигерәк уңды. Ғөмүмән, баҡса еләге быйыл бар ерҙә лә мул уңыш бирә. Шуға, еләктән ҡайнатма эшләнем, шәкәр ҡомо ҡушып, ҡайнатмайынса ла бутап ҡуйҙым. Ә балалар өсөн иң яратҡандары еләк ҡушылған коктейль булды. Рецебын һеҙҙең менән дә бүлешәм.

1 стакан баҡса еләге, 1 пломбир туңдырмаһы, тәменә ҡарап, 2 аш ҡалағы шәкәр ҡомо һалып, блендер менән иҙәм дә, шуға 1 литр һөт һалып бутайым. Иҫ киткес тәмле лә, файҙалы ла туңдырма килеп сыға. 10 йәшлек улым эшләргә өйрәнеп алған ине, минән һорап та тормай, үҙе эшләп бирә.
Һеҙ ҙә эшләп ҡарағыҙ, дуҫтар. Үҙегеҙҙең рецептарығыҙ менән бүлешегеҙ.
Гөлсәсәк Аласова.
Читайте нас: