Тупраҡты көҙҙән әҙерләгеҙ

Яҙ көнө үҫентеләр ултыртыу өсөн тупраҡты көҙҙән әҙерләп ҡалдырыр кәрәк. Өс өлөш кәҫле тупраҡҡа берәр өлөш серетмә ҡушып, әҙерләргә була. Кәҫле тупраҡты ҡайын урманынан алырға мөмкин, әммә бар кеше лә урмандан барып тупраҡ ала алмай. Шуға күрә тупраҡ быға тиклем йәшелсәләр үҫмәгән урындан алынһа, яҡшыраҡ. Бындай мөмкинлегегеҙ булмаһа, борсаҡ, фасоль һәм башҡа ҡуҙаҡлылар үҫкән ерҙән алырға мөмкин.