Мул уңыш алыу өсөн кишерҙе нисек дөрөҫ ултыртырға?

Барыһы ла орлоҡтарҙы дөрөҫ әҙерләүҙән башлана. Сәсеүгә 10-12 көн ҡалғас, уларҙы туҡыма тоҡсайға һалырға һәм ергә күмеп ҡуйырға кәрәк. Орлоҡтарҙың бер-береһенә саҡ ҡына ҡағылып, иркен урынлашыуы мөһим. Тәжрибәле баҡсасылар, һуңынан тоҡсайҙы еңел табыу өсөн, урынын билдәләргә кәңәш итә.
Билдәләнгән ваҡыт үткәндән һуң ерҙән орлоҡтарҙы алырға кәрәк. Был мәлдә үҫентеләр бер аҙ шытып, ултыртыуға әҙер була. Артабан түтәлде әҙерләгеҙ, мул итеп һыу һибегеҙ һәм орлоҡтарҙы урынлаштырығыҙ. Һуңынан уларҙы ҡоро тупраҡ менән күмегеҙ. Өҫтән һыу һибеү кәрәкмәй, сөнки һыу һибеү ҡаты ҡатлам булдырасаҡ, уның аша йомшаҡ үҫентеләргә үтеүе ауыр буласаҡ.
Ошо методиканы үтәгәндә шытымдар 3-5 көндән үк күренә башлай. Шул ваҡытҡа тиклем орлоҡтарҙы ирекле шытып сығыу мөмкинлеге биреп, түтәлгә һыу ҡойоуҙан тыйылығыҙ. Шул ябай ғына кәңәштәрҙе тотоп, һеҙ ҙур һәм дөрөҫ ҙурлыҡтағы кишер үҫтерә алырһығыҙ.