Ошо өс май тирене ҡартайыуҙан һаҡлай

Был майҙар тирене һығылмалы итеүҙә көслө сара булараҡ билдәләнгән.

1. Ярангөл майын бөтә типтағы тире өсөн дә ҡулланып була. Ул ҡан әйләнешен яҡшырта, тиренең һығылмалылығын һаҡлай, дымландыра. Ҡулланып йөрөгән кремығыҙға бер нисә тамсы тамыҙыу ҙа етә.
2. Виноград төштәре майы антиоксидант үҙенсәлеккә эйә, тирене боҙған ирекле радикалдар менән көрәшергә булышлыҡ итә. Уның майында Е витамины күп, шул тирене һулыуҙан һаҡлай ҙа инде.
3. Шалфей (йылан тамыры) майы. Ваҡ мимик һырҙарҙы бөтөрөүҙә һөҙөмтәле сара. Бигерәк тә дымландырыусы крем менән бергә ҡулланғанда файҙаһы ҙур. Ул антисептик, антибактериаль үҙенсәлектәргә эйә, тирене тығыҙландыра һәм һығылмалыраҡ итә.

Фото: Г. Дауытова.