Төндә ҡайһы бер райондарҙа ҡырау төшә

Башгидромет мәғлүмәттәренә ярашлы, 25 август төнөндә республиканың көнсығыш райондарында ҡырау төшөүе һәм һауа температураһының 0-дән – 2 градусҡаса түбән төшөүе көтөлә, тип хәбәр итә Башҡортостандың Ғәҙәттән тыш хәлдәр буйынса дәүләт комитеты.

Ошо көндәрҙә оҙайлы яуым-төшөм күҙалланмай, ҡайһы бер райондарҙа ҡыҫҡа ваҡытлы ямғырҙар яуа. Ел төньяҡтан көнбайышҡа табан талғын иҫә. Төндә плюс 3 - 8, көндөҙ 15 - 20 градус йылы көтөлә.