Был һүҙҙәрҙе берүк әйтеп ҡуйма!

Балаларҙы “эшкинмәгән”,  “йыбытҡы” тип әрләгән атай-әсәйҙәр бар арабыҙҙа. Белгестәр бындай һүҙҙәрҙе әйтеүҙән ҡырҡа тыя.

Һәр кемгә “йүнһеҙ”, “аңра” тигәнерәк һүҙҙәргә ҡарағанда “булдырғанһың бит” , “афарин”  кеүегерәктәрен ишетеү күңеллерәктер ул. Бирелгән исемлекте иҫегеҙҙә тотһағыҙ, һеҙҙең балаларығыҙҙан да шәп кеше булмаҫ.

Әйтергә ярамаған 10 һүҙбәйләнеш:

• мең тапҡыр әйттем бит инде һиңә;
• күпме ҡабатларға мөмкин;
• нимә уйлайһың һин;
• шуны хәтерләү ҡыйынмы ни һиңә;
• күрмәйһеңме ни шуны;
• һин шундай иғтибарһыҙ;
• бөтә кешеләр ҙә шулай, ә һин...
• һин ниңә мине тыңламайһың;
• атайыңа (әсәйеңә) оҡшаһаң;
• шуны ла аңламайһыңмы ни.

Әйтелергә тейешле 10 һүҙбәйләнеш:

• һин бик аҡыллыһың;
• һин бик матурһың (ҡыҙҙарға), бытырһың (малайҙарға)
• һинең менән миңә рәхәт һәм еңел;
• һин мине һәр саҡ дөрөҫ аңлайһың;
• минең һинән дә яҡын кешем юҡ;
• мин һиңә генә ышана алам;
• һин миңә кәңәш бир әле;
• мин бер ваҡытта ла һинең һымаҡ эшләй алмаҫ инем;
• һин маладисһың;
• рәхмәт, балаҡайым.