"Депутаттарға ҙур өмөттәр бағлайбыҙ", - ти БР Журналистар союзы ағзаһы, райондың маҡтаулы гражданы, М.Өмөтбаев исемендәге премия лауреаты Миҙхәт Рәжәпов

Быйылғы һайлауҙарҙың өс көн дауамында ойошторолоуы халыҡ өсөн бик уңайлы булды, тигән фекерҙәмен. Иң мөһиме, һайланған депутаттар барлыҡ өмөттәрҙе аҡлаһын. Мәғлүм булыуынса, һайлауҙарҙа "Берҙәм Рәсәй" партияһы еңеп сыҡты. Был - уларҙың һөҙөмтәле эшмәкәрлегенең һөҙөмтәһе. Халыҡ мәнфәғәтен яҡларҙай проекттары уңышлы тормошҡа ашырып, уларҙың абруйы артты, йәмғиәттең ышанысын яуланылар. Ә төрлө партияларҙы берләштергән "Хәбиров командаһы"на уңыштар теләйбеҙ. Депутаттарҙың бигерәк тә эш урындарын булдырыу йүнәлешендә ыңғай үҙгәрештәр булдырыуҙарына өмөт итәм. Бигерәк тә ауылдарҙа эш урындарын булдырыу иҡтисади ғына түгел, социаль проблемаларҙы ла хәл итәсәк.

"Депутаттарға ҙур өмөттәр бағлайбыҙ", - ти БР Журналистар союзы ағзаһы, райондың маҡтаулы гражданы, М.Өмөтбаев исемендәге премия лауреаты Миҙхәт Рәжәпов