Ҡайһы райондарҙан халыҡ күпләп китә?

“Башҡортостанстат” белгестәренең республиканың миграцияһы тураһында рәсми мәғлүмәттәре буйынса, быйыл ғинуарҙа Туймазы районынан 416 кеше теркәүҙән төшкән, йәғни ситкә күсеп киткән. Ошо хаҡта “Башинформ” агентлығы хәбәр итә.

Халҡы ситкә китеү иҫәбе буйынса икенсе урында Өфө районы тора, 236 кеше теркәүҙән төшкән. Өсөнсө баҫҡыста - Мәләүез районы, 199 кеше ситкә киткән. Шулай уҡ Бәләбәй һәм Белорет райондарынан да халыҡтың күпләп күсеп китеүе күҙәтелгән.

Ҡалалар араһында Өфө беренсе урында тора – 1241 кеше ситкә киткән. Икенсе баҫҡыста Стәрлетамаҡ – 321, өсөнсөлә Нефтекама – 212, дүртенсе баҫҡыста торған Салауат ҡалаһынан 211 кеше ситкә киткән.

Фото: Башинформ.
Автор: Рәмилә Мусина.

Читайте нас