Нисек йәшәһең, Соня?

Апера синдромы менән яфаланған Стәрлетамаҡ ҡыҙы Соня Ғиззәтуллинаның

ауыр яҙмышы бер кемде лә битараф ҡалдырманы һәм әле лә уның яҙмышы йәмәғәтселектең иғтибар үҙәгендә.

Яңыраҡ “Изгелек йәйғоро” ирекмәндәре тыумыштан зәғиф булып тыуған ҡыҙыҡайҙың нисек йәшәгәнен күрһәтте, хәҙерге тормошо хаҡында һөйләне.

“Күптәр Софья нисек йәшәй тип һораша. Софья балалар баҡсаһында. Бармаҡтары ҡушылып үҫһә лә, башҡа балалар кеүек үк һүрәт төшөрә”, – тип яҙа улар.

Мәғлүм булыуынса, ҡыҙ әкренләп яраҡлаша һәм тиҫтерҙәрен ҡыуып етергә тырыша.

Соняға уңыштар теләйбеҙ!

Фото: социаль селтәрҙән.