Иң мөһиме – балалар мәнфәғәтен хәстәрләү

Ҡабаҡ ауыл Советы ауыл биләмәһе башлығы Руслан Әйүпов сараны асып, халыҡты программаның мөмкинлектәре һәм шарттары менән таныштырып үтте. Кемдәрҙер һыу үткәреү, ҡайһы берәүҙәр юлдарҙы төҙөкләндереү буйынса фекер­ҙәр тәҡдим итһә, күпселек тауыш ауылда заманса балалар майҙансығы төҙөү өсөн бирелде.
Һайлап ҡуйылған инициатива төр­көмөнөң төп бурысы - халыҡтан аҡса йыйыу һәм эш барышын күҙәтеү аҫтында тотоу. Был эш ауылдың активистары – Ирина Хаживәлиева, Зөлфиә Сөнәғә­туллина, Алина Кожевникова, Елена Ястребоваларға йөкмәтелде. Йыйы­лышта күп тауыш айырмаһы менән балалар майҙансығы урынлаштырыу проекты яҡлау тапты. Республика ҡаҙ­наһынан бүленгән аҡсаға ауыл халҡы, иғәнәселәр ҙә үҙ өлөшөн өҫтәй. 150-нән ашыу йорт иҫәпләнгән торлаҡ пункт халҡы дөйөм йыйылыш ҡарары нигеҙендә һәр ихатанан меңешәр һум аҡса тапшырасаҡ.
Проект хупланып, яҡын киләсәктә яңы биҫтәлә балалар майҙансығы төҙөл­һөн, ул балаларҙың шат тауыш­тарына күмелһен.
Гөлсәсәк Аласова.
Автор фотоһы.