Телен һаҡлаған - илен һаҡлаған

Үҙ эшен бар күңелен һалып башҡарыусы педа­гогтарҙың береһе – Иҫке Бәпес мәктәбе уҡытыусыһы Ләйсән Шәрифулла ҡыҙы Абдуллина ла педагогик эш­мә­кәрлеге менән мил­лә­те­беҙгә тоғро хеҙмәт итә, шуға уңыштары ла етерлек. Уҡыу­сыларының төрлө кон­­­курстарҙа призлы урын­дар алыуы менән педагог хаҡлы рәүештә ғорурлана ала.
Ләйсән Шәрифулла ҡы­ҙы Башҡортостаныбыҙҙың иң хозур төбәктәренең бере­һендә - Белорет районында тыуып үҫә. Башҡорт дәүләт университетында уҡыусы ҡыҙ студент йылдарында уҡ Иҫке Бәпес ауылы егете Айнур Нәүфил улы менән ғаилә ҡора һәм яҙ­мышы ошо ауыл менән бәйләнә. Ауылдаштары өсөн уңған килен, абруйлы уҡы­тыусы ул. Белем биреү уса­ғында эшләүенә 17 йыл да булып киткән. Педагог уҡыу­сылары менән район, респуб­лика күләмендә үткән сара­ларҙа ҙур теләк менән ҡатна­ша һәм призлы урындар яу­лай. “Урал ба­тыр” эпосын баш­­ҡа­рыу­сы­лар бәйгеһе, Рәшит Назаров шиғырҙарын баш­ҡарыу­сылар араһында конкурс, “Башҡорт мо­заи­каһы” Бөтә Рәсәй фес­тивале, “Өмөтбаев уҡыу­ҙары”, “Яҡ­шығолов уҡыу­ҙары”, “Һау­мы, һаумы, әкиәт!” бәйгеһе... Уларҙың барыһында ла Иҫке Бәпес мәктәбе уҡыусылары әүҙем ҡатнаша. Ә бында уҡытыу­сының өлөшө бик ҙур. Малай-ҡыҙҙарҙы дәрт­лән­дерә лә, алға ла әйҙәй ул. “Бындай бәйгеләрҙә ҡат­нашҡандан һуң уҡыусылар оҫтарып, шымарып, рух­ла­нып ҡайта. Башҡа тиҫ­тер­ҙәренә ҡарап, алдарына яңы маҡсаттар ҡуялар, үҙҙәренең мөмкин­лектәрен тулыраҡ асалар. Беҙҙең мәктәптә уҡыу­сы балалар бик рухлы­лар, тырыштар. Улар менән бер ғаилә булып эшләүе күңеле лә, мауыҡ­тырғыс та. Ата-әсәләр ҙә балаларының ын­тылыш­тарын хуплайҙар”, - ти Ләй­сән Шәрифулла ҡыҙы.
Милләтебеҙҙең йөрәк тибеше булған телебеҙҙең алдағы яҙ­мышы беҙҙең бө­гөнгө эше­беҙ­гә, уға мөнә­сәбә­те­беҙгә бәйле. Бы­уын­дарҙы бы­уынға бәйләр теле­беҙ йәшә­һен һәм сәскә атһын!
Эльнара ШАЙМАРҘАНОВА.