Даирә
+22 °С
Болотло
Бөтә яңылыҡтар
Төрлөһөнән
8 Декабрь 2020, 16:30

Зиләрәгә “ен” ҡағылған

Яңы йыл яҡынлаша, һәр кем өй түренә шыршы ултыртыу һәм уны биҙәү кеүек күңелле мәшәҡәттәргә күмелгән. Мәжит Ғафури исемендәге Башҡорт дәүләт академия драма театрының һәләтле актрисаларының береһе Зиләрә Юлтаева ла байрамға етди әҙерләнә, шул уҡ ваҡытта ул әлеге мәлдә китап уҡыуға ныҡ бирелеүе хаҡында яҙған. Уға "китап ене" ҡағылған.

– Үҙебеҙҙең тарихты белеү кәрәк, – ти Зиләрә. – Тарихыбыҙҙы тәрән өйрәнеү ниәтендә китаптарҙы тәфсирләп уҡыйым. Элегерәк быға ниңә ныҡлабыраҡ иғтибар бирмәгәнмен икән тип аптырайым.
Актриса арҙаҡлы башҡорт яҙыусыһы, Салауат Юлаев исемендәге дәүләт премияһы лауреаты Ғәли Ибраһимовтың “Кинйә” романын бер нисә көндә уҡып бөткән, әле ул әҫәрҙең геройҙары тураһында уйлана, бихисап һорауҙарына яуап эҙләй.
Әйткәндәй, Өфөгә күскәнгә хәтлем Зиләрә яҙыусы-фронтовик Ғәли Ибраһимов тыуған Стәрлетамаҡ ҡалаһында йәшәне, Стәрлетамаҡ дәүләт башҡорт драма театрында эшләне.
Зиләрә Юлтаева әйтеүенсә, “Кинйә” һымаҡ тетрәндергес һәм тарихи әҫәрҙәрҙе уҡыуын киләсәктә лә дауам итәсәк.
Фото: “Бәйләнештә” социаль селтәренән.
Автор: Илдар Акьюлов
Читайте нас: