Бер юлы алты автомобиль бәрелешкән

Башҡортостанда күп автомобиль ҡатнашлығында авария теркәлгән. 29 ноябрҙә киске туғыҙҙарҙа Туймазы районында бер юлы алты машина аварияға юлыҡҡан, зыян күреүселәр бар, тип хәбәр итә Башҡортостан ЮХХДИ-һы. Бәләбәй - Николаевка - Туймазы - Баҡалы юлының 63-сө километрында 29 йәшлек ир идара иткән "Форд Фокус" ҡаршыға килгән "ВАЗ - 2112" (рулдә - 19 йәшлек водитель) менән бәрелешкән. Артабан "Фокус" юл ыңғайынан килгән "Шкода Октавия"-ға, ә уныһы инде ыңғайҙағы "Калина"ға бәрелгән. "Форд" шулай уҡ икенсе "Лада Калина" һәм "Рено Логан" менән дә бәрелешкән. Аварияла "ВАЗ"-дың водителе һәм пассажиры, шулай уҡ "Форд"тың пассажиры зыян күргән. Әлеге мәлдә юл-транспорт ваҡиғаһының сәбәптәре тикшерелә. Фото:ufa.aif.ru Автор: Аклима Гизатуллина