Даирә
-6 °С
Болотло
75 лет Победы
Бөтә яңылыҡтар
Төрлөһөнән
7 Август 2020, 00:15

Рәмил Шәмсетдиновың хәлдәре нисек?

"Хәлдәренә килгәндә, ярайһы, кәйефе яҡшы уның.

Адвокат Рауил Туғушев Читаның тикшереү изоляторында Рәмил Шәмсетдинов менән осрашты.
Енәйәт эше менән танышыу тулыһынса тәмамланған, cуд ултырыштары сентябрҙә башланырға мөмкин.
2019 йылда һигеҙ хеҙмәттәшен атып үлтергән хәрби Рәмил Шәмсетдинов Чита ҡалаһындағы тикшереү изоляторында ултыра, суд көтә. Күптән түгел ул адвокаты Рауил Туғушев менән осрашҡан. "Азатлыҡ" уның менән һөйләшкән.
"Хәлдәренә килгәндә, ярайһы, кәйефе яҡшы уның. Беҙ уның янына был эште алып барған тикшереүсе менән барҙыҡ. Адвокаттар тарафынан енәйәт эше менән танышыу тамамланыу тураһында беркетмәгә ҡул ҡуйҙыҡ. Полиция, ғәйепләү ҡағыҙын әҙерләп, Чита прокуратураһына тапшырырға тейеш буласаҡ.
Беҙҙең тарафтан ғаризалар яҙылды. Беренсе сиратта, эште башланғыс осорға ҡайтарып, өҫтәмә медицина экспертизаһы яһатыуҙы һорайбыҙ. Психологик-психиатрия экспертизаһына ҡарата беҙҙең һорауҙар тыуҙы. Ул ваҡытта бөтөн факттар иҫәпкә алынмаған булған. Белмәйем, быға ыңғай яуап булырмы, юҡмы – әйтеүе иртәрәк.
Икенсе суд ултырышында судтың присяжныйҙар ҡатнашлығында уҙыуын һораныҡ. Өсөнсөнән, беҙ судҡа бер нисә шаһитты саҡыртыуға рөхсәт итеүҙәре тураһында мөрәжәғәт иттек. Әлегә уларҙың исем-фамилиялары әйтмәйем, был суд ваҡытында яңғыраясаҡ. Был ғаризалар барыһы ла тапшырылды.
Улар камерала дүрт кеше ултыра. Төҫ-ҡиәфәтенә ҡарағанда, барыһы ла яҡшы, мине кәмһетмәҫтәр, тине. Уның менән ултырыусылар ҙа - ауыр енәйәт ҡылыусылар. Сәламәтлеге яҡшы.
Таныш булмаған бик күп кешеләр хат яҙа, был уға рухи яҡтан бик булыша. Был хаҡта үҙе әйтте. Китаптар ебәрәләр.
Имам менән осрашҡыһы килә уның. Бындағы мөфтөй Алмаз Сәләхов та уның менән осрашырға әҙер, әммә пандемия арҡаһында бөтөн әйбер ябылды, рөхсәт алыу ауырлашты. Рәмил үҙе лә теләй. Ниндәй хөкөм булыр – белмәйем, әммә уға әҙермен, тине", - тигән адвокат.
Фото:Amp.nashgorod.ru
Автор: Самат Ғәлин
Бшҡортостан гәзите сайтынан алынды
Читайте нас в