Бала тапҡандан һуң вафат булған...

Һаулыҡ һаҡлау министрлығында республикала коронавирус инфекцияһынан 1991 йылғы ҡатындың вафат булыуын хәбәр иттеләр. Был инде сираттағы 23-сө ҡорбан...

Өфө ҡалаһының Дим биҫтәһендәге ковид-госпиталдә дауаланған пациент Govid-19 вирусы менән ҡатмарланған, бик тиҙ үҫешкән пневмониянан һәләк булған. Унан алда йәш әсә бала тапҡан булған. Сабый иҫән-һау. Өйҙә уның тағы ла дүрт йәшлек балаһы барлығы билдәле.

Тетрәндергес хәл... Әсәнең яҡындарының оло ҡайғыһын уртаҡлашабыҙ, сабырлыҡ теләйбеҙ.