Яңы контейнерҙар ҡуйыла

– Бөгөн тағы бер ихата ҡаты көнкүреш ҡалдыҡтарын йыйыуға күсте. Беҙ уларҙы ҡаланың ҙур контейнерҙар майҙансыҡтарында урынлаштырырға уйлайбыҙ, – тип һөйләне “САХ” муниципаль унитар предприятиеһының икенсел сеймалды йыйыу һәм эшкәртеү буйынса бүлек етәксеһе Владислав Залилов. – Барлыҡ айырым йыйылған ҡалдыҡтар сүп-сарҙы сортировкалау буйынса комплексҡа килтерелә һәм 17 фракцияға бүленә. Икенсел сеймал бүленә һәм ҡайтанан эшкәртеүгә ебәрелә.

Әле Өфөлә сүп-сарҙы айырым йыйыу өсөн 118 майҙансыҡ бар. “Ҡаланы таҙартыу буйынса махсус автохужалыҡ” предприятиеһы иҫәбенә 1,1 кубометр күләмле – 884, сүп-сарҙы айырым йыйыу өсөн – 281, металдан эшләнгән 0 75 кубометр күләмле 50 контейнер алынған. Муниципаль килешеү нигеҙендә төбәк операторы тағы өҫтәмә 1,1 кубометр күләмле 2749 евроконтейнерҙы һатып алған. Уларҙың 849-ы пластик, быяла һәм ҡағыҙҙы айырым йыйыу өсөн тәғәйенләнгән.

Бөгөн Башҡортостанда Октябрьский, Стәрлетамаҡ ҡалалары һәм Туймазы районы – коммуналь ҡалдыҡтарҙы айырым йыйыу буйынса алдынғылар рәтендә.

– Был эш “Экология” милли проекты маҡсаттарына тура килә һәм ҡалала йәшәгәндәрҙең йәшәү сифатын яҡшыртыу, халыҡтың экологик йәһәттән мәҙәниәтен күтәреү менән бәйле мәсьәләләрҙе хәл итеүгә йүнәлтелгән, – ти Владислав Залилов.

Әйткәндәй, “Экология” милли проекты ил Президенты Владимир Путиндың май указдарына ярашлы барлыҡҡа килгәйне.

Фото: Өфө ҡалаһының Киров районы хакимиәте.