+24 °С
Ямғыр
Спорт
11 Март 2021, 11:33
Берҙәмлектә - көс
Балалар һәм үҫмерҙәр спорт мәктәбендә “Һаҡсылар, алға!” республика спорт-белем биреү уйынының муниципаль этабы үтте. Пионерҙар һәм уҡыусылар йорто ойошторған сарала башланғыс класс уҡыусылары ҡатнашты.
Уйындың маҡсаты – балаларҙы команда менән эшләргә өйрәтеү, уларҙың физик һәм интеллектуаль һәләтен үҫтереү, сәләмәт йәшәү рәүешен пропагандалау, фәнни белемде һәм фәнни-техник ижадты популярлаштырыу.
Уйын бер нисә этаптан торҙо. Бәйгеселәр ҡаршылыҡтар һыҙатын үтте, экологик һәм юл хәрәкәте хәүефһеҙлеге, тыуған яҡты өйрәнеү, робототехника буйынса белемдәрен күрһәтте. Һәр уйында балалар үҙҙәрен һәм командаларының берҙәм булыуын күрһәтә алды. Улар уйындың бөтә этаптарын да уңышлы үтте, белемдәрен һәм көйлө команда эшен файҙаланып, һәр төрлө мәсьәләләрҙе систе. Мәҫәлән, юл хәрәкәте ҡағиҙәләрен тикшереү тест рәүешендә ойошторолдо. Шуныһы ҡыуаныслы, тәү ҡарашҡа ябай ғына тойолған ҡағиҙәләрҙе - светофорҙың ҡыҙыл утында мотлаҡ туҡтарға кәрәклекте, һары ут янһа – ҡуҙғалырға әҙерләнергә, йәшел утта иһә юлды дауам итергә ярағанлыҡты һәм юл аша сыҡҡанда тирә-яҡҡа күҙ һалыу мөһим икәнлеген дә яҡшы белә улар. Бынан тыш, юл аптечкаһындағы марля бинттары, жгуттар, лейкопластырь һәм башҡа әйберҙәрҙең мотлаҡ булыуы һәм ғәҙәттән тыш осраҡтарҙа ни өсөн ҡулланырға мөмкинлеге тураһында ла бәйән иттеләр. Экология буйынса конкурс иң ҡыҙыҡлыһы булғандыр. Унда ҡатнашыусылар органик матдәләр менән төрлө тәжрибәләр үткәрҙе, күҙәтте һәм уны аңлатып һөйләп бирҙе. Йәш һаҡсылар бөтә конкурстарҙа ла әүҙем ҡатнашып, яҡшы һөҙөмтәләр күрһәтте. Балалар һүҙҙәренә ҡарағанда, ярыш бик ҡыҙыҡлы һәм мауыҡтырғыс булды. Ә инде компетентлы жюри бөтә ярыш төрҙәрен дә баһалап, еңеүселәрҙе билдәләне. Шулай итеп, уйын һөҙөмтәләре буйынса Ҡырмыҫҡалы гимназияһының “Тиҙлек” командаһы 1-се урын яулаһа, С.М.Чугункин исемендәге мәктәптең “Йылмайыу” командаһы 2-се урынды алды, 3-сө урынға “Комета” (Ҡабаҡ мәктәбе) командаһы сыҡты. “Һаҡсылар” (2-се Ҡырмыҫҡалы), “Динамит” (Олокүл) һәм “Ҡар барыҫтары” (Прибельский) командалары спорт-белем биреү уйындарында әүҙем ҡатнашҡан өсөн грамоталар менән билдәләнде.
Эйе, бындай уйындар бер яҡтан, организмды сыныҡтырырға булышлыҡ итһә, икенсе яҡтан, берҙәмлек тойғоһо ла тәрбиәләй. Берҙәмлек, спортҡа һөйөү киләсәктә лә уңыштар килтерһен.
Фирүзә РӘХМӘТУЛЛИНА.
Автор фотолары.
Уйын бер нисә этаптан торҙо. Бәйгеселәр ҡаршылыҡтар һыҙатын үтте, экологик һәм юл хәрәкәте хәүефһеҙлеге, тыуған яҡты өйрәнеү, робототехника буйынса белемдәрен күрһәтте. Һәр уйында балалар үҙҙәрен һәм командаларының берҙәм булыуын күрһәтә алды. Улар уйындың бөтә этаптарын да уңышлы үтте, белемдәрен һәм көйлө команда эшен файҙаланып, һәр төрлө мәсьәләләрҙе систе. Мәҫәлән, юл хәрәкәте ҡағиҙәләрен тикшереү тест рәүешендә ойошторолдо. Шуныһы ҡыуаныслы, тәү ҡарашҡа ябай ғына тойолған ҡағиҙәләрҙе - светофорҙың ҡыҙыл утында мотлаҡ туҡтарға кәрәклекте, һары ут янһа – ҡуҙғалырға әҙерләнергә, йәшел утта иһә юлды дауам итергә ярағанлыҡты һәм юл аша сыҡҡанда тирә-яҡҡа күҙ һалыу мөһим икәнлеген дә яҡшы белә улар. Бынан тыш, юл аптечкаһындағы марля бинттары, жгуттар, лейкопластырь һәм башҡа әйберҙәрҙең мотлаҡ булыуы һәм ғәҙәттән тыш осраҡтарҙа ни өсөн ҡулланырға мөмкинлеге тураһында ла бәйән иттеләр. Экология буйынса конкурс иң ҡыҙыҡлыһы булғандыр. Унда ҡатнашыусылар органик матдәләр менән төрлө тәжрибәләр үткәрҙе, күҙәтте һәм уны аңлатып һөйләп бирҙе. Йәш һаҡсылар бөтә конкурстарҙа ла әүҙем ҡатнашып, яҡшы һөҙөмтәләр күрһәтте. Балалар һүҙҙәренә ҡарағанда, ярыш бик ҡыҙыҡлы һәм мауыҡтырғыс булды. Ә инде компетентлы жюри бөтә ярыш төрҙәрен дә баһалап, еңеүселәрҙе билдәләне. Шулай итеп, уйын һөҙөмтәләре буйынса Ҡырмыҫҡалы гимназияһының “Тиҙлек” командаһы 1-се урын яулаһа, С.М.Чугункин исемендәге мәктәптең “Йылмайыу” командаһы 2-се урынды алды, 3-сө урынға “Комета” (Ҡабаҡ мәктәбе) командаһы сыҡты. “Һаҡсылар” (2-се Ҡырмыҫҡалы), “Динамит” (Олокүл) һәм “Ҡар барыҫтары” (Прибельский) командалары спорт-белем биреү уйындарында әүҙем ҡатнашҡан өсөн грамоталар менән билдәләнде.
Эйе, бындай уйындар бер яҡтан, организмды сыныҡтырырға булышлыҡ итһә, икенсе яҡтан, берҙәмлек тойғоһо ла тәрбиәләй. Берҙәмлек, спортҡа һөйөү киләсәктә лә уңыштар килтерһен.
Фирүзә РӘХМӘТУЛЛИНА.
Автор фотолары.
