Йөклө ҡатындарға айлыҡ пособие нисек түләнә?

Медицина ойошмаһына йөклөлөктөң иртә осоронда иҫәпкә баҫҡан ҡатындарға айлыҡ пособие тәғәйенләнеүен буласаҡ әсәләр беләме? Был пособие – түбән килемле ғаиләләргә күрһәтелгән дәүләт ярҙамы сараларының береһе. Ул Рәсәй биләмәһендә йәшәгән, медицина ойошмаһына йөклөлөктөң тәүге 12 аҙнаһында иҫәпкә баҫҡан ҡатындарға ҡағыла. Төп шарт – ғаиләлә бер кешегә айлыҡ килем төбәктәге  йән башына тура килгән  йәшәү минимумынан артмаҫҡа тейеш. 

Пособиены тәғәйенләү өсөн ғаризаны Пенсия фондына  йөклөлөктөң 12 аҙнаһынан һуң ебәрергә кәрәк. Түләүҙе тәғәйенләү өсөн  уға мохтажлыҡты комплекслы баһалайҙар. Йән башына тура килгән йәшәү минимумынан артмаған килемдән тыш (Башҡортостанда – 12 110 һум), ғаиләнең милеге лә иҫәпкә алына. Пособиены түләү ғаилә хәленә һәм ҡатындың эшләү фактына бәйле түгел.  Республикала йөклө ҡатындар өсөн пособие күләме айына  6 600 һум тәшкил итә.

Фото:kto-chto-gde.ru