2026 йылда минималь хеҙмәт хаҡы күләме арта

Тәҡдим ителгән үҙгәрештәргә ярашлы, 2026 йылдың 1 ғинуарынан минималь хеҙмәт хаҡы күләме (МРОТ) 27 мең 93 һум була. Был ҡарар 4,5 миллион кешегә эш хаҡын арттырырға мөмкинлек бирә.

«Президент МРОТ-тың йәшәү минимумынан күберәк булыуын әйткәйне. Бындай индексацияны дауам итәбеҙ. Халыҡтың килемен арттырыу мәсьәләләре хөкүмәттең даими иғтибары үҙәгендә тора», – тип билдәләне премьер Михаил Мишустин.