Республика менән идара итеү үҙәгенән «Сәләм» тапшырыуына тура эфирҙа Хеҙмәт һәм халыҡты социаль яҡлау министрлығының ветерандарға һәм граждандарҙың башҡа категорияларына социаль ярҙам күрһәтеү бүлеге етәксеһе урынбаҫары Адель Борһанова проекттың мөмкинлектәрен киңәйтеү хаҡында һөйләне.
Сертификатты йога, бейеү, дауалау физкультураһы һәм тын алыу гимнастикаһы менән шөғөлләнеү, инглиз телен өйрәнеү, интерьер дизайнына уҡыу өсөн ҡулланырға мөмкин. Ир-егеттәр өсөн балыҡсылыҡ нигеҙҙәре йүнәлеше бар.
Тулыраҡ мәғлүмәт һылтанма буйынса баҫылған. Хәтерегеҙгә төшөрәбеҙ, Радий Хәбировтың ҡушыуы буйынса 2020 йылдан республикала «Башҡортостанда оҙон ғүмер» социаль туризм программаһы эшләй. Уның ярҙамында оло быуын кешеләре экскурсияларға йөрөү мөмкинлеген алды.