Даирә
+1 °С
Болотло
Бөтә яңылыҡтар
Социаль тәьминәт
16 Апрель 2022, 13:29

Аҡса түләүҙең яңы тәртибе раҫланды

Тәүге тапҡыр асыҡланған һәм артабанғы тикшереүҙәрҙә раҫланған һәр онкология осрағы өсөн медицина хеҙмәткәрҙәренә күпме түләү ҡаралған?  

Аҡса түләүҙең яңы тәртибе раҫланды
Аҡса түләүҙең яңы тәртибе раҫланды

Ошо йылдың февраль айында Рәсәй һаулыҡ һаҡлау министрлығы бойороғо менән диспансерлаштырыу һәм иҫкәртеү медицина тикшереүҙәре барышында онкология сирҙәрен асыҡлаған өсөн медицина хеҙмәткәрҙәренә дәртләндереү маҡсатындағы түләүҙәрҙең яңы тәртибе, шарттары раҫланды.

Рәсәй Хөкүмәте 2022 йылда ошо категорияға ҡараған белгестәргә түләү өсөн 155 миллион һум аҡса бүлде. Средстволарҙы медицина ойошмалары буйынса бүлеүҙе Мотлаҡ медицина страховкалау территориаль фонды тормошҡа ашырасаҡ. Ә түләүҙәр ай һайын медицина хеҙмәткәрҙәренә килеп торасаҡ. Башҡортостанда ошо маҡсатта фонд бюджетына 3 213 300 һум аҡса һалынған.

Дәртләндереү түләүҙәре пациентта яман шеште иртә стадияла асыҡлау күрһәткестәрен арттырыуға, медицина ярҙамын ваҡытында күрһәтеүгә йүнәлтелгән. Тәүге тапҡыр асыҡланған һәм артабанғы тикшереүҙәрҙә раҫланған һәр онкология осрағы өсөн түбәндәге түләүҙәр ҡаралған: 500 һум тикшереүҙәр һәм диспансерлаштырыу үткәреүҙе ойоштороу өсөн яуаплы табипҡа түләнә (медицина ойошмаһы етәксеһенән башҡа), 250 һум пациентты табип-онкологка күренергә ебәргән табипҡа, онкология сирле пациентты диспансер күҙәтеүенә алған медицина хеҙмәткәренә бирелә. Мәғлүмәттәрҙә хата асыҡланғанда, медицина ойошмаларының берлектәге эш регламенты билдәләнгән.

Рәсәй Президенты Владимир Путиндың май указдарына ярашлы, һаулыҡ һаҡлау тармағы алдында торған ошо бурыстарҙы тормошҡа ашырырға кәрәк: хеҙмәткә һәләтле йәштәге халыҡ араһында үлем күрһәткестәрен кәметеү, шулай уҡ яман шештәрҙән үлем күрһәткестәрен (100 мең кешегә 185 сир осрағына тиклем) аҙайтыу, сабыйҙар үлемен ҡыҫҡартыу (бер мең яңы тыуған сабыйға 4,5 промиллегә тиклем) һәм һәр кемдең тәүге медицина ярҙамынан файҙаланыу мөмкинлектәрен арттырыу.

Инновациялы медицина технологияларын, шул иҫәптән пациенттың сәләмәтлегенә иртә диагностика һәм дистанцияла мониторинг системаһын индереү, тармаҡта берҙәм дәүләт мәғлүмәт системаһы нигеҙендә медицина ойошмаларының үҙ-ара берҙәм эшмәкәрлеге механизмдарын булдырыу – көн ҡаҙағындағы бурыстар.

Фото: medelite.ru

ВладимирПутин#национальныепроекты#нацпроекты
#региональныепроекты#регпроекты#нацпроектыБашкортостан

Автор:Дина Арсланова
Автор:Гульчачак Алачева
Читайте нас: