Республикала яҙғы сәсеү экваторҙы үтте

Башҡортостанда сәсеү экваторҙы үтте. Был хаҡта социаль селтәрҙә республика етәксеһе Радий Хәбиров хәбәр итте.

Уның һүҙҙәренсә, бөгөнгә аграрийҙар баҫыуҙарҙың 51,4% яҙғы культуралар сәскән. Был иһә 1 миллион 84 мең гектар.

«Бөртөклөләр һәм ҡуҙаҡлылар, мал аҙығы, техник культуралар сәсәбеҙ. Илеш, Архангел, Ҡырмыҫҡалы, Дүртөйлө, Ауырғазы, Әлшәй райондарында эштәр тамамланыуға табан бара — 73-84% үтәлгән», — тип яҙҙы республика етәксеһе.

Быйыл яҙғыһын көндәрҙең йылы тороуы баҫыуға ғәҙәттәгенән ике аҙнаға алдараҡ сығырға мөмкинлек бирҙе, тип билдәләне Радий Хәбиров.

https://www.bashinform.ru/news/economy/2023-05-04/posevnaya-v-bashkirii-preodolela-svoy-ekvator-3244684