Стәрлетамаҡта газ торбаһы разгерметизацияланыу сәбәпле янғын сыҡҡан

Өс кеше дауаханаға оҙатылған

Рәсәй Ғәҙәттән тыш хәлдәр министрлығы хеҙмәткәрҙәре Стәрлетамаҡ ҡалаһының Өфө юлы урамындағы көслө янғынды һүндерә.

Фараз буйынса, газ торбаһы линияһындағы һауалағы торбаһы асылыуы һөҙөмтәһендә шыйыҡ газ тоҡанып, янғын сыҡҡан, өс кеше дауаханаға оҙатылған.

Утты һүндереү һәм уның таралыуына юл ҡуймау буйынса саралар күрелә. Янғында һүндереүгә 20 белгес, алты техника йәлеп ителгән, тип хәбәр итәләр Рәсәй Ғәҙәттән тыш хәлдәр министрлығынан.

Был оператив алынған мәғлүмәт, асыҡлыҡтар индереләсәк.

Фото: Рәсәй Ғәҙәттән тыш хәлдәр министрлығынан.

Автор:Рәмилә Мусина

https://bashgazet.ru/articles/kh-ef-e-lek/2024-08-19/st-rletama-ta-gaz-torba-y-razgermetizatsiyalanyu-s-b-ple-yan-yn-sy-an-3891242