Йәнә ҡорбандар бар...

Яр Саллы ҡалаһы янында М-7 трассаһында Салауат районынан ғаилә ҡаршы һыҙатҡа сығып, “Ситрак” йөк машинаһы менән бәрелешә. Яҡынса мәғлүмәттәр буйынса, “Форд” еңел машинаһының водителе руль артында йоҡлап китә. Авария һөҙөмтәһендә водитель һәм уның ҡәйнәһе ваҡиға урынында һәләк булған. Шулай уҡ уның тормош иптәше һәм ете айлыҡ улы ауыр хәлдә дауаханаға оҙатылған. Алда ултырған тағы бер улы ҙур булмаған йәрәхәттәр алған. Әлегә осраҡ буйынса тикшереү эштәре бара.

Хөрмәтле водителдәр! Юлға сыҡҡанда хәүефһеҙлек ҡағиҙәләрен тулыһынса үтәгеҙ! Арыһағыҙ, мотлаҡ рәүештә туҡтап ял итеп алығыҙ! Шуны онотмағыҙ: һеҙҙе өйҙә көтәләр!

Фото: Татарстан Республикаһы буйынса ГАИ.